Кафе "Бульбяная" - Белорусы форума, соединяйтесь :-)

[per]

А как перевести на белорусский язык слово"насекомые" - неужели "казяуки"?

Нет, конечно. "Насякомыя".

Может быть, будет интересно.

8 сьнежня – 90 гадоў з дня нараджэньня заснавальніка Беларускае бібліятэкі й музэя ў Лёндане Часлава Сіповіча

Ул. інф.

Што адбывалася ў Беларусі і ў сьвеце 8 сьнежня


8 сьнежня 1937 году Беларусь страціла трох сваіх выдатных дзеячоў. Органамі НКВД былі зьнішчаныя фальклярыст і кампазытар Антон Грыневіч, палітык і літаратуразнаўца Ігнат Дварчанін, а таксама яшчэ адзін дзеяч беларускага руху ў Заходняй Беларусі Язэп Гаўрылік. За сваю беларускую дзейнасьць на Віленшчыне Дварчанін і Гаўрылік былі арыштаваныя польскімі ўладамі й асуджаныя да вялікіх тэрмінаў зьняволеньня, пасьля шляхам абмену палітвязьняў яны трапілі ў Савецкі Саюз, дзе іх і расстралялі.

8 сьнежня 1991 году былі падпісаныя Белавескія пагадненьні. Адбылося гэта ў рэзыдэнцыі Віскулі ў Белавескай пушчы. Тут кіраўнікі Беларусі, Расеі і Ўкраіны Шушкевіч, Ельцын і Краўчук афіцыйна дэнансавалі дагавор аб утварэньні СССР і ўтварылі Садружнасьць Незалежных Дзяржаваў.

8 сьнежня 1994 году празь нязгоду з курсам прэзыдэнта Лукашэнкі зь ягонай каманды афіцыйна сышоў Віктар Ганчар.

8 сьнежня 1999 году кіраўнікі Беларусі і Расеі Лукашэнка і Ельцын падпісалі дамову аб стварэньні так званай саюзнай дзяржавы Беларусі і Расеі. Дамова адкрыта супярэчыла першаму артыкулу беларускай Канстытуцыі, у якім сказана, што Рэспубліка Беларусь зьяўляецца ўнітарнай дзяржавай і не заключае міжнародных дамоваў, якія супярэчаць асноўнаму закону. Камэнтуючы гэтую падзею на Радыё Свабода, народны пісьменьнік Беларусі Васіль Быкаў заявіў: “Падпісаньне саюзнай дамовы – гэта ня толькі сумная справа, гэта ўвогуле злачынства стагодзьдзя. Гэта, безумоўна, генацыд беларускай нацыі – канец яе гісторыі”.

Зь вядомых людзей сьвету, што нарадзіліся 8 сьнежня ў розныя гады, згадаем сёньня рымскага паэта Гарацыя, фінскага кампазытара Яна Сыбэліюса і кінаакторку Кім Бэсынджэр.

Сёньня спаўняецца 90 гадоў з дня нараджэньня Часлава Сіповіча, беларускага ўніяцкага біскупа, заснавальніка Беларускае бібліятэкі і музэя імя Францішка Скарыны ў Лёндане. З гэтае нагоды сёньня ў менскім чырвоным касьцёле сьвятых Сымона і Алены адбудзецца прэзэнтацыя кнігі пра Часлава Сіповіча, якую прадставіць яе аўтар, наступнік біскупа Сіповіча, айцец Аляксандар Надсан, апостальскі візытатар для беларусаў каталікоў усходняга абраду.